Back ستيف ريتش Arabic ستيف ريتش ARZ Steve Reich Catalan Steve Reich Czech Steve Reich Danish Steve Reich German Steve Reich English Steve Reich Esperanto Steve Reich Spanish Steve Reich Estonian
Steve Reich | |
|---|---|
 Steve Reich in 2008 tydens 'n opvoering van sy Clapping Music | |
| Agtergrondinligting | |
| Geboortenaam | Stephen Michael Reich |
| Gebore | 3 Oktober 1936 New York, NY, Verenigde State |
| Genres | Minimal music |
| Beroep(e) | Komponis |
| Jare aktief | 1963 - |
| Webwerf | Amptelike webwerf |
Stephen Michael Reich [raɪʃ] (3 Oktober 1936) is 'n Amerikaanse komponis, pianis en tromspeler wat vanaf die middel van tot die laat 1960's bekendheid verwerf het met sy bydrae tot die ontwikkeling van minimalistiese musiek (minimal music), 'n musiekstyl wat tussen die laat 1960's en 1970's in die Verenigde State ontstaan het en aanvanklik met komponiste soos La Monte Young, Terry Riley, Steve Reich en Philip Glass verbind is.
Reich se musikale werk word gekenmerk deur sy gebruikmaking van herhalende musuikale figure, stadige harmoniese ritme en kanons. Sy musikale innovasies sluit die gebruik van aaneenlopende bandopnames in om sogenaamde phase patterns te skep - herhalende musiek wat teen dieselfde tempo op twee verskillende instrumente gespeel word, soos in sy vroeë komposisies It's Gonna Rain (1965) en Come Out (1966), en die gebruik van eenvoudige hoorbare prosedures soos in Pendulum Music (1968) en Four Organs (1970).
Die komposisie Music for 18 Musicians, wat in 1978 as langspeler vrygestel is, was 'n belangrike mylpaal in die geskiedenis van die minimalistiese musiekbeweging en 'n sleutelwerk vir sy erkenning as genre binne die spektrum van moderne klassieke musiek. Gedurende die 1980's het Reich se werk 'n donker ondertoon gekry met die invoering van historiese onderwerpe en Joodse tematiek tot sy komposisies, veral in Different Trains (1988).